"الكمامة القماش"
مع إصدار رئاسة مجلس الوزراء قرار بفرض عقوبات تصل إلى 4000 جنيه لمن لم يرتدي الكمامات في المنشئات العامة والخاصة من يوم 30 مايو، ناس كتير بدأت تسأل هنجيب كمامات منين؟ وهل كل يوم كمامة؟ في حين إن مجلس الوزراء قال إن الكمامة القماش تفي بالغرض وتتغسل كل يوم، وفي ناس قالت الكلام ده مش طبي ولا صحي ولا حقيقي ما تيجوا نشوف..
مركز مكافحة العدوي في الولايات المتحدة الأمريكية CDC، نصح المواطنين بلبس الكمامات المصنوعة من القماش وترك الطبية للأطباء والأطقم العاملة في المجال الطبي، وعشان كده هنلاقي نواب الكونجرس لابسينها بس ملونة وعليها أشكال لطيفة جدًا "متوفرة في مصر بالمناسبة".
طيب معلش.. هو الفيروس بتنقل ازاي يا جماعة؟ عن طريق الرزاز هل في خلاف على ده؟ لا.
طيب الكمامات المصنوعة من الأقمشة هل نفاذة للفيروس أيوة.. هل نفاذة للرزاز لا.. ليه؟ لأن قطرات الرزاز ديه بقى أصغر من الفيروس نفسه وبالتالي أي كمامة قماش تقدر تمنع وصول الرزاز ده للفم والأنف يعني إنت في أمان نسبيًا، ولزيادة التأكيد أعمل كمامة من طبقتين قماش، وأغسلها كل يوم لما تروح على درجة حرارة 60 مئوية، ورش عليها شوية كحول وإكويها بالمكواة هترجع كل يوم نضيفة تمامًا، وعلم وشها من ضهرها عشان متعكسهاش.
في الوقت نفسه المركز الأمريكي قال إن لابس الكمامة لازم يتم مع الحفاظ على التباعد الاجتماعي، وممنوع 4 فئات تلبسها تحت أي ظروف "الأطفال الأصغر من سنتين، أي حد عنده ضيق تنفس، أو أي حد يتعرض للإغماء أو لو حد عاجز عن خلعها بدون مساعدة شخص تاني "دول يستخدموا كمامة طبية عادية".
الكلام ده كمان أكدت علي مركز السيطرة على الأمراض في بريطانيا وقال إن الغطاء القماش مع غسل الإيدين بالصابون والماء بيقللل جدًا من فرص الإصابة بالفيروس.
التقارير اللي قالت الكلام ده نقل عن علماء من متخلف دول العالم وأبرز الصحف اللي نشرتها "دير شبيغل" الألماني، صحيفة "فيلت" الألماني، دوتش فيله الألمانية، وسكاي نيوز الإنجليزية، واللي أكدوا إن اللجوء للأقشمة بسبب النقص الحاد في المستلزمات والمعدات اللازمة للوقاية من التقاط العدوى.
الخلاصة اعلقها وتوكل وربنا يسترها علينا.
"في الكومنتات شوية مراجع لو حبيت تتأكد أو تفهم أكتر"
#كورونا #مصر #كمامة_قماش
تعليقات
إرسال تعليق