لو أنت معدي ع التايم لاين وشفت البوست ده، عايزك تصحى وتفوق وتركز معايا أوي، ولو عندك حد نايم جنبك صحيه عشان اللي هحكيهولك في الكلام اللي هقوله ده هو كارثة سياسية عالمية بكل المقاييس بتحصل دلوقتي، وبتهدد مش بس النظام الأمريكي لوحده.. لأ دي بتهدد الأسرة الملكية البريطانية، وقوات الشرطة الأمريكية بالكامل..
خليني أحكيلك بالراحة وباختصار..
الموضوع كله يا سيدي إن في منظمة زي ما حكيتلكم في البوست اللي فات، من أشهر الهاكرز في العالم كله، اللي عملوا بلاوي قبل كده مش مجالنا نحكي عنها دلوقتي، بس اختفوا عن الأنظار من 3 سنين..
المنظمة دي إسمها Anonymous..
طب ايه اللي حصل بقى؟!.. عايزك تتخيل معايا الناس دي خلال ال ٨ ساعات اللي فاتوا، عملوا ايه في النظام الأمريكي والعالم.. وهقسمهالك نقط عشان متتوهش..
1- اخترقوا ال Mainframe والسيرفرات الرسمية لمواقع شرطة في أمريكا، وقدروا يوصلوا لمستندات بتؤكد علاقة دونالد ترامب Donald Trump الرئيس الأمريكي، بجيفري إيبستين Jeffrey Epstein رجل الأعمال الأمريكي المتورط في فضيحة إغتصاب أطفال وشبكة دعارة وتهريب بشر وأطفال، واللي (يقال) إنه مات بالإنتحار شنقًا في السجن.. وبتثبت انه له يد في شبكة تهريب الأطفال دي، وكمان بتثبت تورطه في اغتصاب فتيات قاصرات كتير وتهربه من المسئولية من خلال تسوية القضايا Settlments.. التهم دي معروفة من زمان، بس اللي حصل المرة دي إنه اتسرب بشكل حقيقي اكتر من 92 ورقة من الكتاب الأسود اللي بيحوي أسماء الناس المتورطة في القضية دي، ومنهم الناس دي:
دونالد ترامب - إيفانكا ترامب - رئيس الوزراء السابق توني بلير Tony Blair - آندرو كوومو Andrew Cuomo عمدة مدينة نيويورك - الفنان كريس إيفانز Chris Evans مقدم البرامج البريطاني - ويل سميث Will Smith الفنان الشهير.. وغيرهم كتير.. بس مش معروف مدى تورط ناس زي كريس إيفانز و ويل سميث ف حاجة زي دي ايه!!
شوف الصور مع البوست لو عايز تشوف جزء من المستندات 👇 وآدي مصادر تقدر تقرا فيها بتفصيل أكبر لو مش مصدق أو مش مقتنع، علمًا بإن الصحف لسه هتتقلب أكتر على الموضوع وهتلاقي الموضوع بقى تريند كمان شوية:
https://www.news18.com/news/buzz/anonymous-is-back-and-has-proof-against-trump-epstein-the-royal-family-and-many-more-2646765.html
https://burgeronreport.com/anonymous-links-trumps-to-jeffrey-epsteins-child-trafficking-network/
2- بوسايل خاصة مأعلنوش عنها، وصلوا لمستندات بتؤكد تورط العائلة الملكية البريطانية The British Royal Family في قتل الأميرة ديانا Princess Diana.. وده لو انت مش فاهم معناه، ف خليني أقولك إن ده كارثة ممكن حرفيًا تقلب بريطانيا كلها.. مش مصدقني؟!.. طب شوف اللينكات دي لو عايز تقرا أكتر عن الموضوع ده، مع العلم ان الموضوع قالب الصحف والإنترنت حاليًا:
https://thecourierdaily.com/anonymous-princess-diana-murder-royal-family-documents/19884/
https://www.explica.co/princess-diana-reportedly-ordered-to-kill-by-royal-family-anonymous/
3- قدروا إنهم يخترقوا موقع قوة الشرطة الأمريكية بمدينة منيابوليس Minneapolis P.D ويحذفوه تمامًا من على الإنترنت، وكمان يسربوا فيديوهات للشرطة وهي بتعذب المواطنين وبتعتدي عليهم.
4- إخترقوا أجهزة الراديو الرسمية لشرطة شيكاجو Chicago P.D وشغلوا عليها أغنية Fuck the police.. وده خلى الشرطة تفقد قدرتها على الاتصال اللاسلكي تمامًا.
5- وعدوا قريب جدًا بفضح شرطة فيرجسن في ولاية ميزوري Fergusson PD.
شوف أول كومنت هتلاقي فيه فيديو رسمي طلعته المنظمة الغامضة اللي محدش يعرف عنها أي حاجة خالص، بيتكلم فيها القائد بتاعهم وهو لابس قناع جاي فوكس بتاع فيلم V for Vendetta الشهير اللي بيدل على الآناركية والثورة، وبيتكلم عن تجاوزات الشرطة وهو مشفر صوته.. الفيديو ده اتعرض في كل مكان، و وصل لإنه يبقى التريند رقم 1 في كل مكان في تويتر تقريبًا 👇
ده غير كمان التويتات بتاعت منظمة Anonymous دي، واللي بيتهموا فيها ترامب ببلاوي!! هتلاقوا التويتة في تاني كومنت 👇 وبصراحة أنا مش متأكد من مدى صحتها برغم ان الناس كلها بتقول إنها حقيقية!!! مش مستوعب أصلًا اللي بيحصل!
لو مش مصدق ولا مستوعب لسه حجم اللي بيحصل في العالم واحنا قاعدين مشغولين باللي بيحصل في بلدنا هنا، تقدر تخش على هاشتاج #anonymous سواء هنا على فيسبوك أو على تويتر، وتتابع الكوارث اللي بتتحط عليه..
مين Anonymous دول وإزاي هما بالقوة دي لدرجة ان بقالهم سنين ومفيش وكالة استخبارات واحدة في العالم قادرة توصلهم أو توقفهم؟!.. ومين بيمولهم؟!
محدش يعرف!! بس الموضوع كله أشبه بفيلم أكشن أمريكي عن نهاية العالم والمنظمات السرية اللي بتقلب أنظمة الحكم!!
لسه الأخبار بتتزايد، والعالم مقلوب حرفيًا على اللي بيحصل في بلد الحرية وعلم النجوم اللامعة.. بس اللي انتوا قرأتوه ده بينذر بتغيير شامل هيحصل في النظام والسياسة العالمية، وهيغير شكل الكوكب إلى غير رجعة.
كل ده حدث بالفعل في 2020!!
شوف الصور تحت 👇 ومتنساش تعمل شير عشان تساعدني في ان البوست ينتشر ويوصل للناس، واللي لسه معرفش يعرف..
الشير بتاعتكم مش هياخد منكم ثواني لكن هيساعد في نشر البوست فوق ما تتخيلوا.. ف متبخلوش بدعمكم على المجهود لو شايفينه يستحق ❤
الكومنتات الأولى بتاعتي مهمة جدًا جدًا فيها فيديو المنظمة السرية المخيف، وسكرين شوت من التويتة اللي بترد على ترامب.. بص عليهم متنساش 👇
شكرًا.
#علام
الكاتب محمود علام
https://m.facebook.com/story.php?story_fbid=3104685289611583&id=100002104278915
تعليقات
إرسال تعليق